唐樓電線外露 恐漏電
「啲電線多到打晒戟，搞到一舊舊咁都冇人理，見到都覺得牙煙！」張先生近日途經深水埗，發現汝州街有唐樓外牆布滿電線，縱橫交錯儼如蜘蛛網般糾纏「打晒結」，部分更橫跨兩個單位，張指近日天氣潮濕，擔心一旦漏電會引起嚴重意外。
深水埗區區議員梁文廣懷疑上述情況有違規之嫌，倘發生意外將無法補救，認為政府需主動出擊，不應採取「頭痛醫頭」態度，「其實電線外露呢啲係肉眼都睇到嘅問題，好容易搞，唔使吓吓要收到投訴先做！」梁文廣又稱，舊樓因日久失修，較容易出現各種問題，造成潛在危險，建議要定期進行檢查維修，防止有意外發生。
機電工程署發言人指，上述樓宇外牆電線布置凌亂，雖沒有即時安全問題，但亦有可能會因欠缺檢查及維修，令裝置狀況惡化而引致意外，故已向該大廈業主立案法團發出改善通知書。
發言人又稱，過去一年在深水埗區共處理八宗有關電線外露個案，並曾發出兩封改善通知書。