候任特首辦項目主任陳冉被批評，話佢既唔係香港永久居民，又有共青團背景，唔應該喺政府佔有一席位。候任特首辦秘書長劉焱尋日出席《城市論壇》時話，陳冉個位根本從來都冇要求申報政治背景，如果政府突然要人申報，反而係一種打壓；佢又希望大家唔好貿貿然話某個人背景有乜色彩，因為咁嘅話，其實已經主觀，暗示嗰啲人戴住有色眼鏡喎。劉焱尋日公開交代某一個人嘅任命，咁罕見，佢好有個人色彩就真。
