鄭耀棠冀行會設政治助理
【本報訊】為兩任特首擔任行政會議成員的鄭耀棠批評現屆政府的文官制度屬於「龐然大物」，只懂制訂政策，令問責官員推銷政策時成為「孤家寡人」。鄭耀棠對行會有兩點建議，分別期盼梁振英擴大行政會議架構，讓行會成員自聘政治助理應付繁重工作，以及特首醞釀政策時需讓行會成員參與，避免成員淪為「舉手機器」。
「政策醞釀搵行會睇睇」
先後在董建華、曾蔭權年代擔任行會成員的鄭耀棠昨日接受電視台訪問時說，現行文官制度過於龐大，但從不推銷政策，令重任落在行會成員及問責制局長身上，建議政府擴大行會架構，他說：「講得俗啲，就係小貓三四隻，講得絕啲，就係孤家寡人。」
行會成員過往被譏為舉手機器，鄭耀棠直言自己「只留心勞工議題，好多財經、法律嘢都唔識，睇漏眼唔奇」，建議行會成員可自聘政治助理，以分擔工作。「一大疊文件，唔畀得人睇，只畀我睇，九個議程就有九份文件」，認為政治助理可協助行會成員分析問題。
除此之外，鄭耀棠又分析過往施政失敗原因之一，是特首令到行會變成諮詢架構，而並非協助特首決策的機構。「如果喺政策醞釀時就搵行會成員睇睇，我哋知咩事，拍板時就會全力支持，唔止做舉手機器。」
對於外界抨擊中央介入是次特首選舉，鄭耀棠就認為，十五年前已經發生「中央介入」，但並非壞事。「中央畀自由行，畀好處你，又係咪介入呢？我歡迎呢種介入！」他呼籲港人要自我調整，不可再抱着與大陸隔離的心態。