荃業街貨車 違泊無王管
荃灣區內工廠林立，貨車違泊情況亦隨處可見。在工業區內工作的羅先生指出，荃業街行人路長期被大型車輛佔用作卸貨區，不滿相關情況一直未有改善，「啲大貨車當正條行人路係落貨區咁，擺晒啲大卡板喺度，條路根本行唔到人，簡直係無王管！」
警方發言人表示，荃灣警區經常派員前往上址巡邏，並按靈活執行交通法例政策執法。今年首季已在上址向違例停泊車輛發出三十二張定額罰款通知書及十一個口頭警告。至於堆放卡板問題，則已聯同食環署採取聯合清理行動。
「喺行人路上落貨真係好危險，尤其啲卡板通常都有釘，又疊到高一高，一跌落嚟整傷人就大件事！」荃灣區區議員羅少傑認為，貨車泊上行人路上落貨，除造成嚴重阻塞外，更有礙途人安全，促請警方及食環署正視及加強執法，保障道路使用者安全。