貪曾的貪婪醜聞愈揭愈多，最近坐「空軍一號」遊惠州，被網民謔稱他是「中環民國大總統」，笑爆嘴！貪曾發總統夢，老朽真要把塵封的《袁氏當國》（唐德剛著）拿下來好好重溫一下。之不過，袁世凱天生是個「治世能臣，亂世奸雄」的曹操型人物，滿腹野心難抑之下，千方百計先當上終身大總統，再圖謀黃袍加身，做起中華帝國的洪憲大皇帝。奈何黃粱夢覺，一失足成千古恨，只落得身死名裂，遺臭萬年！
當然，貪曾的級數同袁世凱相差十萬八千里，根本無得比！只能如柏楊先生所指出的「境界」：「錢」和「權」一直是中國人奮鬥的最高指標。人生最大的滿足，也停止在這個層次！中國人對「錢」對「勢」的崇拜，使是非日漸泯滅，有時候連臉面都可以不要！
身為「爵士」，身為特區之首，位尊權重，高薪厚酬，年薪高過美國總統，卻可以唔尊重自己嘅人格，貪威識食，官商勾結，與江湖人物合照……一如十一世班禪話齋：世間不少人被貪欲主宰。貪曾嘅身份同佢嘅貪嗔癡完全失衡，講真，稍有內省能力嘅人，根本唔敢抬頭在太平山下走過！
有市民叫貪曾唔好只知住總統套房，建議佢去劏房住番一兩晚，感受基層市民的苦況。然而，政治學有個定律，凡眼睛專門往上看屁眼的，就決不會向下看小民。貪曾臥港七年，吹水千年繁華，窮人卻愈來愈多，大家應知答案喇！