隨着醫學技術改進，醫近視方法推陳出新，至今全球至少有二千多萬人已接受手術，除最普遍的方法角膜激光矯視手術（LASIK）外，角膜上皮切割激光矯視手術（LASEK）則多為運動員選用，因不需用刀，所以能免卻因撞擊而出現角膜瓣移位情況，但手術後會出現數日疼痛，所以較少人選用。
「LASEK好處係唔需要用刀，角膜較薄嘅人都可以做，亦唔使擔心撞擊後會令角膜瓣移位、皺摺等情況。」眼科專科醫生林順潮指，LASEK手術會採用稀釋過的酒精，軟化角膜上層與角膜下層組織相連部分，再掀起角膜上層薄膜施行激光治療，於手術後蓋回。
林稱，這與LASIK留有的角膜瓣不同，「LASEK留有嘅薄片唔係角膜瓣，佢會喺手術後經新陳代謝後消失，角膜更會自然長出新嘅表皮細胞取代。」
不過，他坦言，現時只有少於百分之五港人選擇用LASEK，因為手術後需使用特殊藥物以防止角膜霧化，加上手術後會出現持續數天的疼痛狀況，較多機會需服食止痛藥物來減輕痛楚。同時視力復原相對亦較慢，需兩至四周才能追到LASIK的復原情況，「患者視乎情況選擇邊一種（手術），例如米高佐敦（籃球巨星）因為眼睛隨時有被撞擊嘅風險，所以佢係做LASEK。」