【本報訊】公立醫院新生嬰兒深切治療部人手及床位短缺，加上雙非孕婦近年蜂擁來港產子，使用率長期維持在百分百，遠超於國際安全指標的百分之八十。有公立醫院資深兒科醫生指︰「有時唔係我哋唔想收，人手及床位都唔夠，收咗或會危及BB性命，真係兩難！若病情複雜，私院無能力處理，公院一定會收BB！」
現時有八間公立醫院設有新生嬰兒深切治療部（NICU），合共一百張床，使用率長期維持百分百。有公立醫院資深兒科醫生表示，由去年十月廿三日至今年四月廿一日，公立醫院NICU共處理一千零五十九名新生嬰，當中一百四十宗由私家醫院轉介，佔整體的一成五。
該名醫生透露，本月廿五日深夜至廿六日凌晨，公立醫院NICU使用率超過百分之一百二十二，廿六日中午亦達百分之一百二十。他指出︰「NICU咁爆，好難即時騰出足夠人手及床位處理由私家醫院轉介的個案，來得NICU的BB都係嚴重，唔係一個醫生或護士可以處理，要成隊人支援，如果貿然收症，或會危及BB的性命。」
威爾斯親王醫院兒科部門主管李志光補充，公立醫院NICU接到私家醫院查詢時，通常由兩邊的兒科醫生根據指引評估BB病情，例如是否患有外科、心臟科或嚴重細菌感染的疾病，「係咪有插喉、血壓穩唔穩定」，私家醫院人手及儀器能否支援BB，以及公立醫院能否騰出床位等因素，才決定會否接收轉介個案。