毒癮發作起來難頂，原來貪癮入血入心一樣冇得救！唔信？睇吓貪曾嘅嘴臉就知喇！貪盡海陸空嘅貪曾，搖身一變又做「總統」，外訪巴西狂燒公帑，五萬四千元入住豪華酒店總統套房。
有人納悶：人工特高地位超然嘅香港特首，本來住好一點冇問題，問題係佢以待罪之身，ICAC仲查緊佢，連串醜聞曝光後，為何貪曾依然沒有丁點政治警覺？開講都有話，債多不愁，蚤多不癢，貪曾自然係一件污、兩件穢，三件無所謂！
老朽只能慨嘆：香港在貪曾無能、縮骨的「管治」下，朝無君子，人事僨亂，而貪曾自己，就好似一架俯衝懸崖峭壁嘅汽車，駕駛技術再出色的車神也無力回天！諗起貪曾副嘴臉，佢仲夠膽話「深刻反省從政者要秉持最高的操守」，又責記者提問「大聲」，好心佢慳啲喇！「人必自侮而後人侮之」，唔好講一套做一套喇，一息尚存，再貪到七月一日前吧！
中國內地有個潮語「糾結」，查《現代漢語詞典》，糾結一詞解釋為「相互纏繞」，作動詞使用。老朽下判詞：貪曾一生，無貪不歡，佢至死嘅遺憾，恐怕是貪得不夠！內地網民妙喻糾結：「糾結的意思就是你放了個很響的屁，卻崩出了一大泡屎在褲子裏，以後的生活裏，你放屁都會很糾結很糾結……」
對於貪曾，每天究竟是洗臉重要還是清潔屁股重要？聰明的讀者，自有答案，老朽暫時屏息入定。