政情：大舞台：貪曾龜縮 搵梁卓偉擋箭

煲呔曾早前被本報揭發貪盡富豪提供海陸空款待不特止，日前仲被踢爆喺月初外訪巴西時入住超豪總統套房，明目張膽枉花納稅人嘅血汗錢，結果被各界狠批。可能貪曾知道火燒眼眉，佢尋日出席一個活動時，明顯係有備而來，無啦啦帶埋特首辦主任梁卓偉出席，目的係為佢入住總統套房一事擋箭兼解畫。

貪曾將隻鑊卸畀下屬，完全係不負責任，事件更反映佢龜縮嘅本性不改。