被稱為「離岸特首」嘅煲呔曾任期即將屆滿仍衝刺外訪，最近又用巨額公帑先後到新西蘭同南美多國訪問，事後畀人鬧到飛起，煲呔曾尋日出席一活動後，被問及外訪問題時有備而來，企圖再次以巧言令色為自己辯護。
佢自爆，每日有十幾個項目同活動要做，又話外訪幾有目的、策略，而且工夫相當艱巨，講到自己豪遊幾咁合理。話時話煲呔曾既然講到咁委屈同辛苦自己，不如早啲「退伍」慳番啲公帑，大家一定拍手叫好。
