中環出更：唐偉章遊美國 頭盔做手信
理工大學校長唐偉章係單車發燒友，佢日前出席一個活動時透露，月初去咗美國維珍尼亞州度假十日，期間單車癮起，忍唔住要踩番轉。身在異地但心繫校園嘅佢，不忘喺當地買手信畀一班學生，而呢樣手信非常實用，就係踩單車用嘅鋼頭盔喇！
唐校長一向好注意運動時嘅安全，今次佢一口氣買咗十個鋼造嘅頭盔，希望鼓勵到學生多做運動之餘，亦要注意交通安全。佢話啲頭盔先到先得，邊個學生肯同佢一齊踩單車，就畀邊個用啦！不過頭盔咁佔地方，而佢一口氣帶十個返港，對學生認真有心。
候任特首梁振英（CY）係理大嘅傑出校友，唐偉章就話，自己喺美國回流返香港擔任校長後，先至真正認識對方。
佢話首次接觸CY時，覺得對十分方健談，希望CY就任之後，大家可以有更多合作喎。