【本報訊】「蠱惑機舖」涉嫌違規，業界坦言因近年生存環境轉差，不排除有人鋌而走險。曾經營多間遊戲機中心的負責人表示，近年經營成本上升，年輕客源流失，旗下亦已「執剩」最後一間，「七、八年前代幣『賭機』都仲好好景，依家都走下坡，冇新遊戲機，啲人就會厭，唔會日日嚟玩！」記者走訪傳統機舖，有店員慨嘆，「冇生意就要頂硬上啦，後生就要打音樂機、賽車機，中年就要玩賭機，冇賭機為唔到皮！」
不過，執業大律師陸偉雄表示，遊戲機中心主動提供「派彩」，已觸犯非法賭場條例，涉事遊戲機及「分紙」已成罪證。
根據《賭博條例》，任何人如在賭場外的任何地方賭博，即屬違法，首次定罪可罰款一萬元及監禁三個月；而根據《遊戲機中心條例》，遊戲機中心規定不得進行賭博行為或繳付賭金或博彩金，玩遊戲所得的成績亦不得作提供或收取任何利益之用。同時遊戲機中心亦不得就玩遊戲的成績而贈予獎金或退還款項予任何人士。