鄉議局主席劉皇發做咗立法局及立法會議員夾埋超過廿年，佢都不時會話自己想退下火線，但每次都係因為無人接班、鄉紳挽留佢等理由而繼續「捱義氣」做落去。九月立法會選舉臨近，發叔尋日又發表第Ｎ次退休宣言，聲稱自己奉獻咗唔少黃金歲月畀新界人，但依家畀人話佢已經係風燭殘年，所以係時候要諗吓退休喎，又話心目中已有接班人選，但唔知人哋肯唔肯頂佢個位喎。究竟佢係咪退，睇怕要到九月先至知道。
