警隊出醜 電動三輪車甩轆
警隊計劃引入的電動三輪電單車，未正式投入服務先「跪低」。一名警長昨晨駕駛電動三輪電單車在黃大仙區進行斜路測試時，車頭軸心突然折斷，一隻車轆飛脫，警長當場人仰車翻，手腳擦傷送院，警方拖走肇事三輪電單車進行檢驗。
肇事三輪電單車，以電力驅動，美國車廠VECTRIX製造，每架定價為一萬五千美元，折合港幣約十一萬六千元。警方發言人表示，警隊去年十二月起試用該款三輪電單車，動力與250cc相若，設有後波，正在黃大仙警區交通隊試用。
充電行一百廿八公里
三輪電單車聲稱每公里成本一美仙，充電一次可行駛八十至一百二十八公里，最高時速達一百一十公里。該車最大特色是前面兩輪、後面一輪設計，主要方便警員停車時，毋須落腳撐地穩定車身，不易翻車。
昨晨十一時許，黃大仙警區一名四十餘歲警長，駕駛三輪電單車在區內試車，沿雲華街落斜至毓華街交界，左前轆突然斷軸，車轆甩脫飛彈，警長失去平衡連人帶車翻側跌落地下，左膝及手部擦傷。他負傷爬起身通知上峰，救護車將其送院敷治，機電署派拖車拖走電單車到何文田汽車扣留中心等候檢驗。
上山唔夠力口碑一般
有試駕過該款三輪電單車的警員透露，香港上山落山斜路多，車輛需要較大馬力，但三輪電單車明顯馬力不足，上山無力，駕駛人士未能得心應手，所以口碑一般。
另外，警隊為配合環保，○八年開始引入十二部雙座位電動綿羊仔電單車，取代各「環頭」的舊款本田電單車，十二部「電羊」分別派駐港島、黃大仙、荃灣、紅磡及馬鞍山等警區。