搭港鐵返大本營 享長者兩元優惠
鄧劍群昨完成作供後，表明不會再到庭聽取前度「三奶」李姿霆的證供，即時「鬆人」。坐擁過百億元身家的鞋王，昨竟然選擇乘搭港鐵享用長者八達通的兩元優惠返回港晶中心其「大本營」，為的是到該處的桑拿中心幫襯「鬆一鬆」，期間與一眾追訪他的記者談笑風生，跟女記者交談時尤其眉飛色舞，更不忘口花花出言向女記者「抽水」一番。
「嗱，你哋一個係Karen（本案被告李姿霆），一個係ＸＸ（某富商的女友），畀個位你做，你肯唔肯做吖？有錢收就得啦！」鄧劍群雖已年近七旬，但絲毫未有老態，庭上證供顯示他女伴眾多，庭外的他，亦特別喜歡與女士們說笑，展露其風趣幽默一面。
若討回千萬 稱起觀音廟
碰巧他在歸途中遇上三位女義工為貧童募捐，他亦慷慨解囊，分三次共捐約千多元，可謂皆大歡喜。事實上，記者問他一旦打贏官司，會如何使用討回的千多萬元，他想也不想便說：「起觀音廟啦，做善事囉！」
對於如何結識Karen，鄧劍群庭上證供始終未有詳細披露，他昨日在庭外依然口密：「朋友介紹囉！」只肯透露Karen當年「頭髮長長心地善良，皮膚滑溜，身材標致，確係好靚！」又謂：「我一見女人喊就心軟㗎喇，而佢又成日喊……不過佢話同長發分手後想自殺，我就唔信佢會自殺囉！」
至於現時的感情生活，他坦言：「我無出去玩啦，仲出去玩？依家見到咁多女人（指女記者）我都驚呀！」他亦已跟二奶劉小姐分手：「無一齊啦，層樓畀咗佢就算啦，追唔番o架喇！」
至於他跟太座的關係更可謂絲毫無損：「我咁靚仔咁好人，晚晚返屋企食飯佢點會嬲呢？我個人着重感情，相處四十幾年，關係點會唔好？」
本報記者