Call控煙辦 你急佢唔急

阿萍(化名)早前於灣仔一間酒家晚膳,期間發現鄰桌食客公然吸煙,但卻未有職員阻止,「佢哋一枱有十幾人,個個都喺度食煙,搞到全間酒樓都好大陣煙味,仲有其他人頂唔順要求調枱添!」阿萍見狀後即時向酒樓負責人反映,又致電控煙辦公室,惟等候逾一句鐘直至用膳完畢離去時仍未見控煙辦職員到場。

有關酒家發言人稱,當晚分店職員目睹有客人吸煙後,已即時上前勸喻,並指會在有需要時主動聯絡控煙辦尋求協助。

控煙辦發言人則承認,事發兩日後始得知有市民曾致電1823作出相關投訴,已經即時預備安排巡查行動,並且於翌日派出控煙督察到上址進行突擊巡查,向一名違例吸煙人士提出票控。

「控煙辦唔係鼓勵市民即時舉報嘅咩?舉報完要幾日後先去到做嘢,咁個機制都好有問題啫!」阿萍直斥控煙辦舉報機制形同虛設,以致無法即時票控違規者,促請盡快檢討。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報