店流污水 食署遲行動
店舖非法駁喉令行人路污水長流，食物環境衞生署被斥「唔踢唔郁」！馮小姐近日途經佐敦道，發現一舊樓地舖經常有污水流出，「啲水好似開水喉咁由舖頭入面湧出行人路，成地都濕晒，分分鐘會跣親人！」
食環署發言人承認，早前已接獲同類投訴，曾派員巡查及清洗行人路，並要求店舖負責人修葺店內污水系統，以免污水流出。發言人又稱，經調查後發現上址疑有污水喉管非法接駁至行人路面，已將個案轉介至相關部門跟進，並於接獲本報轉介後再作巡查，但未發現再有污水流出。
「啲污漕水都唔係第一日流出嚟啦，（食環署）唔收投訴都唔去巡下，連有人非法駁喉都唔知，啲部門究竟做緊乜？」馮小姐直斥食環署巡查欠主動，令店舖排放污水及非法駁喉多時仍未被即時取締，要求當局須密切跟進及執法。