自由黨主席劉健儀（Miriam）早前表明考慮會衝落港島參加立法會直選，話希望可以取得零的突破。但Miriam咁做基本上同自殺無太大分別，事關佢喺航運交通界經營多年，手握界別接近九成選票，就算自由黨諗住將啲選票全數過戶畀Miriam嘅接班人，但業界對新人嘅接受能力仍然係未知之數。Miriam尋日話自己仲考慮緊會唔會喺港島參選，又話自己如果真係去直選，一定會全力幫新人上位。直選唔直選，劉健儀一直喺自己思考圈上轉，轉咗都有幾年喇。
