政情：林超英同CY好多共通點

一直撐梁振英做特首嘅前天文台台長林超英，尋日喺電台節目入面講番相識經過，原來佢哋除咗英文名縮寫一樣係CY外，仲有好多共通點，包括大家都係讀英皇書院，又先後做過同學會會長，而且關心基層，兩個人嘅價值觀好接近，難怪「雙英」咁合拍。不過，林超英已講到明自己已經退休，加入新政府嘅機會係零，即係兩人唔會係工作夥伴。　　林尋日提到，佢讀中六時已經留意到中一仔梁振英，唔係因為佢特別高大靚仔或讀書好，而係覺得佢個樣好特別，好似古代人。兩師兄弟讀書時無交往，反而係畢咗業之後大家都有參加同學會，所以先至認識同埋有見面。