民主黨尋日開特別會員大會傾立法會選舉部署，黨員楊錚、陳德明同羅國強就話要一盡會員嘅義務同權利，聯名發信畀民主黨全體會員，開名批評前民主黨主席李柱銘，話李漢奸作為黨員，但係就將個人意志凌駕於民主黨嘅決定。佢哋又不滿李漢奸明目張膽幫公民黨拉票，但到黨主席何俊仁出嚟選特首，李漢奸又唔肯支持，叫李漢奸係時候喺民主黨全局利益以及個人政治利益之間作出抉擇，又話佢係選舉嘅負資產。
呢三位兄台又喺公開信話，十分憂慮《壹傳媒》黎智英插手民主黨事務，影響民主黨喺道德文化價值上嘅立場。
就好似《爽報》咁，佢哋話其實好多社會聲音都不滿《爽報》暴力色情嘅作風，但民主黨就好似為要顧及資助佢哋嘅「水龍頭」，所以就自我審查，一直都唔敢表明立場，所以呼籲民主黨黨員諗吓未來應該點維護社會公義。