探射燈：網交「驅鬼才俊」婦財色兼失

○八年，三十九歲的阿美，婚姻失敗轉戰事業，高峰期曾是四間時裝店老闆。奈何難抵中年寂寞，在交友網結識自稱居於馬來西亞、時年四十二歲的華僑阿明。外表斯文的阿明自稱從事金融業，同樣失婚的兩人同聲同氣。相隔兩地，兩人以電話與短訊傳情，未幾阿美已視阿明為知己，言談間更透露自己經營時裝店，月入數萬。

短短三個月兩人已發展成戀人，阿明更每月來港與阿美見面並曾一同外遊，「嗰陣時真係好開心，佢成日帶我周圍玩，又去澳門同泰國旅行，搞到我都冇乜理舖頭，生意開始變差！」阿明借勢氹阿美買股票，補貼變差的生意。不諳股票的阿美當時對阿明是百分百信任，於○九年一月至三月間分數次轉帳逾廿萬元予阿明代買濠賭股。

被指講大話的阿明（左）曾與阿美多次外遊。

二人戀愛期間，曾拍攝多張甜蜜合照。

購入股票後不久，自稱有陰陽眼的阿明有一晚繪影繪聲地對阿美說：「我尋晚響你廚房食煙，見到有個男人企響度，應該係有污糟嘢，不如請師傅搞掂佢。」阿美一向不信鬼神，並無理會驅鬼建議。「佢話師傅靈魂響馬來西亞『飛』咗過嚟，見到我棟大廈天井有好多嘢，屋入面又冇拜神，所以好邪！我又冇見過，所以都冇理。」

本港女多男少，未婚女士的人數有上升趨勢。（資料圖片）

放大圖片

要求沽貨套現一再推搪

同年六月，阿美眼見股價不斷上升，市值近六十萬元，遂要求阿明沽出股票套現。但阿明卻說，「應該會再升，你信我啦，唔好放住。」阿美不虞有詐，繼續對男友言聽計從。又過了三個月，阿美因周轉不靈而再要求沽貨，阿明一再推搪。「佢態度變得好差，一時話唔賣股票，一時又亂講我同番舊男友一齊，跟住仲話要分手，嗰陣時開始覺得中咗招。」

失婚婦墮「情網」陷阱 婚姻失敗的阿美，在網上結識了聲稱失婚的馬來西亞華僑阿明。	三個月後，兩人發展成戀人，阿美亦開始轉帳予阿明投資股票。	阿明指阿美家有鬼，稱私底下用了十幾萬馬幣請師傅靈魂「飛」港驅鬼，要求阿美還錢。

稱請師傅靈魂「飛」港驅鬼

阿美眼見情難挽，惟有追阿明歸還代買的股票，豈料阿明卻編出一個更荒謬的故事。「佢話之前響我屋企見到鬼，私底下用咗十幾萬馬幣（近四十萬港幣），請咗個馬來西亞師傅嘅靈魂『飛』嚟香港幫我驅鬼，仲話我爭佢錢。我問佢有冇單據證明，佢又出示唔到。」拖拉約半個月，阿明停用手提電話，不覆阿美電郵，並且絕迹社交網站及交友網，儼如人間蒸發。

阿美第二春好夢成空，廿萬元積蓄亦隨阿明失蹤化為烏有，時裝店生意一落千丈要結業告終，現仍欠債十多萬元。其後阿美輾轉得知，自稱馬來西亞華僑的阿明其實是香港人，根本未離婚。真相曝現，阿美遂報警求助，「點知差人話佢有同我買股票，唔係呃我，只可以暫當涉嫌『盜竊』。」但拖至今年一月，警方卻以證據不足作結。「我諗我唔會再拍拖，都唔會再信人。」阿美現時人財兩失，十分後悔當初未有帶眼識人。

警方發言人證實，阿美於一○年五月報案，報稱懷疑被人偷去投資款項，案件列作盜竊案，並由灣仔警區刑事調查隊跟進，而調查結果顯示沒有足夠證據提出檢控。

記者致電阿明對質，他強調無拖欠阿美任何股票，對方所指並非屬實，「佢講乜嘢我唔清楚，佢報唔報警我亦都冇回應，佢講乜嘢我控制唔到！」

圖／文：專案組