新界鄉紳及村民堅決抵抗政府嚴打村屋僭建物，仲揚言政府強行執法會釀成「流血事件」，惹來不少市民反感。鄉議局副主席林偉強及十八鄉鄉事委員會主席梁福元尋日就上電台繼續力撐村屋僭建，批評政府多年來對村屋僭建規管宣傳不足，先至累積至今有數千個僭建個案。
不過，多名聽眾狠批佢哋嘅言論係散播歪理，更直斥話如果政府唔應該處理以前嘅地契，咁佢哋都唔好享受依家嘅政府福利喇！
