廣華切子宮手術失誤 婦捱痛三年

四十二歲的符女士於○九年十月在廣華醫院接受子宮切除手術後，即連續八日發燒，更持續腹痛。符指多次向醫生反映卻未獲理會，經多番爭持後，終於在一一年八月獲安排「開刀」檢查，證實有問題，「佢哋終於肯認可能同個手術有關係，但一時話係『黏腸』，一時又話『黏卵巢』，總之就傷咗神經線，已經冇得救！」

符女士現僅靠打針及服藥紓緩痛楚，卻仍無法遏止疼痛，令身體和精神瀕臨崩潰，更因此失去工作，「我唔知仲可以頂到幾時，真係痛到唔想做人！早知搞成咁，我寧願唔做（手術）！」

多次求助 院方判斷出錯

廣華醫院發言人稱，病人手術後曾指持續傷口痛及下腹痛，惟曾安排腹部及盆腔電腦掃描檢查等，未發現異常，安排手術檢查確認小腸、右卵巢及右盆腔壁有輕微黏連，即時施行黏連分離手術，但病人仍感腹痛，轉介接受痛症科跟進。

「跟進慢一向都係公立醫院嘅問題，而且痛症係一種感覺，又冇即時生命危險，好多時都會抱住『唔死得梗係叫你走』嘅心態對病人！」全民健康動力主席勞永樂稱，雖然病人接受切除子宮肌瘤手術後出現黏腸情況普遍，但若嚴重劇痛持續多年，則不能排除是手術失誤所致，「（院方）搞咁耐先肯開刀同病人檢查已經太遲喇！」

「醫生兩年後先意識到要開刀檢查，好明顯係醫生判斷出問題！」關注病人權益的社區組織協會幹事彭鴻昌批評，病人多次反映手術位置痛楚持續，但醫生並無意識腹痛與手術後遺症有關，反映醫生臨床經驗不足。彭指近年有經驗的醫生流失率大，無可避免令診症質素下跌，促改善人手培訓及人事管理制度。