行人路踩單車真霸道
「明明花槽隔籬就係單車徑，但啲人硬係貪方便踩上行人路，我見過有啲老人家因為行得慢，好幾次都差啲畀單車撞親！」阿君每日會行經粉嶺新運路，不時發現有單車使用者於行人路上騎單車，當中尤以近政府合署一帶最為嚴重。
貪方便以為無事
警方發言人承認，早已知悉相關情況，單在過去一年便在上址向違例踏單車人士發出一百二十四張傳票，接獲本報轉介後，亦已作出相應的票控行動。
「好多人都係貪方便踩上行人路，以為唔係咩大件事，警方應該喺嗰度加多幾塊宣傳牌，等啲人知道踩上行人路係犯法嘅！」阿君認為，警方既已掌握違例踏單車黑點便應更加強執法，並多作宣傳及教育，以收打擊之效。