禁煙區擺煙灰盅誘犯法
港鐵於禁煙區設煙灰盅，被指「引人犯罪」！陳先生日前與友人晚膳後途經青衣站對出行人天橋，發現垃圾桶設有煙灰盅，更有煙民聚集「打邊爐」，但牆上卻貼有「請勿吸煙」告示，「喺禁煙區範圍擺個煙灰盅，咁即係叫人犯法啫！」
港鐵發言人指出，上址為青衣站連接青敬路巴士站的行人天橋，屬於禁煙範圍，當眼處已張貼禁止吸煙告示，並不時有職員巡邏，接獲本報轉介後，已將垃圾桶改為不設煙灰盅的款式。
「個禁煙牌係你（港鐵）貼嘅，個垃圾桶又係你擺嘅，原來一路都唔知有問題。」陳不滿港鐵未有交代有關做法「出現矛盾」之原因，促港鐵巡查轄下有關場地，以免製造誤會。