煲呔曾接受富商款待，有議員針對佢嘅醜聞提出削減貪曾三個月人工、三個月社交及酬酢津貼，以及特首辦與行政會議全年開支。
講真，以煲呔曾「冇做好呢份工」都算咯，減三個月人工確係便宜咗佢，削佢酬酢費亦理所當然，佢上天入地都由富貴朋友款待，搭私人遊艇亦不過區區五百元……之不過咁，喺建制派護短下，貪曾自然「全薪而退」，復活節未到，佢又逍遙遊度假去矣！
煲呔曾是十足的「官油子」。「官油子」並非新詞，自古以來，百姓就把那些善於攀龍附鳳、投機鑽營、見風使舵的官老爺稱為「官油子」。古今中外的「官油子」，其共同特點就是有「官癮」而無「官德」。
「官油子」心中沒有百姓，對基層市民自然不會關心、動心、上心，就像貪曾最愛「離岸」，一晌貪歡。回歸十五年，窮人有增冇減，政府庫房水浸，有錢卻不肯為貧苦大眾多做實事，讓吾人見證乜嘢叫做畸形的政治生態！
煲呔曾「餘孽篡逆臥七年」，有「官癮」冇「官德」彰彰明甚，嚴於對人，放縱自己，建制派竟仍為佢護短，今年九月立會選舉，選民一定要用手中選票懲罰佢哋！
貪曾「臥」港七年，吹水至叻，大事幹不了，小事不屑幹，一味「起錨」，只有唱功，沒有做功。離岸特首臥七年，「政績」十四個字講晒：忙忙碌碌裝樣子，吹吹拍拍過日子！Yeah！