車位不足電單車隨街泊
趙小姐早前行經寮肚路，發現行人路旁草地泊滿電單車，不但有損市容，更對路人構成威脅，「啲電單車成日都亂咁泊，仲喺行人路度揸出揸入，真係好危險！」
當區區議員林立志直指區內電單車車位供應不足，令違例泊車問題愈來愈嚴重，單靠警方執法乃「治標不治本」，「居民都唔想畀警察抄牌，但問題係佢哋根本租唔到車位，先至會有被迫周圍泊！」林又指領匯因受地契規範，致未能多建電單車位，商業機構更不會主動經繁複程序去更改地契，要求政府正視，研究可行的解決方法。
警方發言人稱，過去一年在該處曾向違例人士發出逾二百張告票，但認為有關位置晚上較為寧靜，停泊在該處的違例車輛未有造成阻塞或危險。