新界小型屋宇僭建申報計劃今日起實施，僭建不超過半層嘅天台玻璃屋，必須於半年限期內向當局申報。不過，身兼香港律師會會長嘅屯門鄉事委員會主席何君堯就呼籲村民唔好申報，因為此舉等同認錯及簽咗認罪書。發展局局長林鄭月娥就警告，當過咗半年申報限期後，未申報嘅僭建物將被視為新建嘅僭建物，會面臨被清拆命運，所以唔登記係非常唔明智喎。究竟申報與否，村民就要自己衡量喇。
