投訴：食肆佔咪錶位 警懶執法
於灣仔區工作的阿文（化名）發現，謝斐道近新時代中心對出一帶露天咪錶位經常被人放置雪糕筒，懷疑遭附近食肆佔用車位供客人使用，「電單車同私家車車位都畀人放晒雪糕筒，有陣時仲放埋上行人路，一有客人嚟先拎開畀佢哋泊車，其他人仲使用嘅？」
警方發言人承認，警員到上址巡查時，發現一間食肆門外擺放四個圓錐筒及雜物，阻礙行車路，已向有關食肆負責人發出口頭警告，及着令將有關雜物即時移走。發言人又稱，在其後多次巡查行動中，並未再發現上址有雜物阻街情況。
「佢哋（警方）次次都係收到投訴先做嘢，平時都冇去主動查，啲舖頭根本就唔驚，過幾日又放晒啲雪糕筒出嚟啦！」阿文直指上址情況至今仍未改善，不滿警方執法不力，令問題無日無之。
（ireport_00028434）