政情:龐建貽獲提名葡萄酒十傑

啱啱迎娶新世界發展太子女鄭志雯嘅龐建貽(Paulo),又傳出好消息。本身係葡萄酒商嘅Paulo,獲得全球首屈一指嘅葡萄酒市場研究機構酒智(Wine Intelligence)提名,角逐該機構嘅「10 for 10 Business Award」,表揚全球十位業界傑出人士,Paulo仲係全球唯一獲提名嘅酒商添!

Paulo雖然身為「鋼鐵大王」龐鼎元嘅後人,但係志不在此,佢十二年前成立大亞國際集團,初時為私人客戶、星級酒店、米芝蓮星級餐廳及私人會所提供制訂酒單、菜單配搭及葡萄酒投資等專業建議,現時已擁有六十幾萬樽、價值逾三億元嘅珍藏及頂級佳釀,客戶逾一萬二千名,係本港數一數二嘅酒商。

今次獲得提名全球十傑嘅仲有傳奇葡萄酒大師Robert M Parker、西班牙葡萄酒王Miguel Torres以及風靡全球葡萄酒愛好者嘅日本漫畫「神之水滴」作者亞樹和沖本秀,真係粒粒皆星。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報