政情：榮文蔚身份證「失」而復得
名媛榮文蔚日前去泰國度假兼公幹，尋日叉足電返港，但抵港後就發現自己唔見咗身份證，於是急急走去警署報失。不過，當佢去到警署準備報案時，就喺手袋攞嘢期間搵番張身份證出嚟，於是乎就唔使報案喇，真係抹一額汗。雖然佢今次擺咗個大烏龍，但都算係失而復得，唔使補領身份證咁麻煩嘛。
被問到點解會咁烏龍，榮文蔚話，佢向來都係咁，類似情況幾乎一個月就會發生一次，而且一年唔見幾次手提電話，事關佢個人比較「亂」喎。至於尋日「遺失」身份證嘅經過，佢話個身份證係同啲港幣同外幣放埋一齊，但就唔知點解睇唔到。其實今次都算係好彩喇，以後就要打醒十二分精神喇！