中環出更：單拖霍震宇血拼超市
已故全國政協副主席霍英東長房三仔霍震宇，作風低調，甚少亮相社交圈。不過，卓妮早前一個周末晚上八點幾鐘，就見西裝骨骨嘅霍震宇喺中環置地廣場間ThreeSixty超市shopping，當時佢身邊無傭人跟隨，只係獨自推車仔購物，表現得相當悠閒。
掃完美食買牙線
霍震宇一嚟就掃入大批罐頭，包括豆、菠蘿、粟米及魚等，又買入半打橙、蘋果及有機雞蛋等，單睇材料，唔通想炮製自家沙律？掃完一輪美食，佢就轉攻護牙用品，見佢拎起幾盒牙線左望右望比對一番，諗咗幾分鐘，扑錘買入三盒。
霍公子前後喺超市內逗留咗近一個鐘，掃咗兩大籃貨品，埋單找數後，由一名疑似超市職員幫佢將貨品推到停車場，真係服侍周到。
卓妮