政情：郎朗極速澄清緋聞
國際著名鋼琴家郎朗年輕靚仔又有為，相信迷倒唔少女性粉絲。日前就有內地媒體爆料，影到佢同一位性感女星共同出入酒店，懷疑呢位女星就係郎朗嘅另一半，件事引起唔少網友嘅熱烈討論。不過，身在倫敦嘅郎朗好快就透過媒體訪問時澄清事件，強調二人只係普通朋友喎。
見過兩面 普通朋友
面對突如其來嘅緋聞，搞到郎朗都有啲招架唔住，聲言大家只係相識，只見過兩面而已，之後仲無奈話唔想再回應添。其實郎朗之前曾經喺一個公開場合上講過自己嘅擇偶條件，仲話自己將會喺四十歲左右結婚，但郎朗依家先至三十出頭，仲有大把時間同青春，相信佢現階段都係以事業為重喇。