政情：候選特首 個個衣着老土
前晚三個特首候選人梁振英（CY）、唐英年及何俊仁（鐵頭仁）首次同場辯論，引起城中熱話，連三人嘅衣着都成為焦點。著名形象指導張學潤（Nelson）就品評話，三人嘅西裝太普通，條呔嘅顏色又唔靚，顯得好老土喎。
西裝普通 條呔唔靚
論壇中，三人都戴上鮮色呔，唔知佢哋係咪想攞番個好意頭呢？先講CY，佢以其競選辦主調嘅橙色呔配白色恤衫，唐唐就打紅色呔配淺藍色恤衫，鐵頭仁則戴上紅色斜間呔。Nelson話，鮮色呔唔係人人都可以carry（駕馭）到，唐唐着藍色恤衫，雖然睇起上嚟較為摩登，但可惜畀條紅色呔拖累晒。至於鐵頭仁條呔簡直好似幾十年前啲款式咁，想復古反變老土。睇嚟三人下次出場之前，最好搵形象指導執吓先喇。