‧林太：我先生對政治冷感到白癡嘅都話，又講九年呀？猛重提佢（唐）冇功績嘅九年，不如叫唐九年啦！佢講嘅（政治秘密）未必係事實爆真料……冇道義！
‧歐小姐：香港有幾多防暴警察可以阻五十萬人上街？（唐的指控）合理性存疑……唐生你不嬲講開大話，對住七百萬人講多次有咩奇怪？
‧蘇先生：牽涉好多秘密嘅嘢唔應該爆出嚟……就算商界都唔可以容忍……梁振英有冇做過也好，機密唔能夠講，第時（唐）隨時可以用（機密）賣國求榮都得！
‧梁先生：反對梁振英做特首，佢唔肯承認呢樣嘢（廿三條言論），我好驚佢呀，真係好驚佢呀！
‧楊先生：（梁的政治秘密）係遺害我哋香港子女嘅性命財產……破壞我哋嘅民主廣播，梁振英只顧住自己……心口掛住個貪字！
‧李先生：梁振英令人驚嘅，係佢係一個好好嘅執行人，如果中央要做一樣嘢，佢點都會做到！
‧陳先生：辯論令人好失望……有種好丟架嘅感覺……好似細路仔……如果一心為香港好，應該把握時間去質疑政綱……市民唔係想睇鬧劇，睇下邊個最衰！
‧林先生：如果我有票，唯一方法係投白票。兩個誠信都破產，不如流選！