第四屆特首選舉，劇情古靈精怪，除咗感情缺失、一鋪清袋、僭建風雲，最近仲有新界飯局。已提名梁振英嘅恒隆集團董事長陳啟宗尋日上電台，就各方對梁振英嘅種種批評，一一拆彈，總之就係義不容辭，幫梁振英清除障礙。陳啟宗仲話，流浮山嗰餐新界飯局明顯是有人布局，外國選舉亦經常出現類似圈套，形容事件係想對梁振英進行政治謀殺。
嘩！連謀殺呢個情節都出埋，真係連編劇都諗唔到，劇情離奇曲折呀。
