政情：麥靖宇鬼祟現身中聯辦

見鏡頭即擰轉面

尋日下晝三點，麥靖宇坐政府座駕AM200去咗西環中聯辦，部車一到中聯辦就直駛入停車場，車速都幾快，好似驚畀人見到咁。麥靖宇喺中聯辦逗留咗差唔多半個鐘就離開，走嗰陣一樣係全程喺車上。最詭異嘅係，麥靖宇見到記者影相，竟然特登擰轉面，都唔知有乜嘢唔見得人。

我哋就麥靖宇嘅怪異舉動問特首辦，特首辦就回應話，特首辦公室職員不時都會同中聯辦人員進行工作會面同會議，麥靖宇今日去中聯辦都係一般工作會面喎。原來係咁，如果係一般工作會面，麥常秘下次出入中聯辦就可以「一般」啲，如果鬼鬼祟祟，令人聯想起入去係做一啲非一般嘅嘢，咁就唔好喇。