三個特首候選人嘅代表尋日上電台節目講解候選人嘅教育政綱。候選人梁振英（CY）就派出曾任教育統籌局常秘嘅競選辦主任羅范椒芬上場，但被候選人何俊仁嘅競選團團長張文光乘機翻舊帳，話教師依家咁多工作，有三分一都係同羅太當年嘅教改有關，仲批評羅太當年反對小班教學，依家就幫CY推行，係「今日的我打倒昨日的我」。不過，羅太就話張文光係借題發揮，仲踢爆佢人前人後講法不一。
