政情：蔡仲樑「賣豬仔」上位？

一般市民對蔡仲樑未必十分熟悉，但如果講畀大家知，呢間公司就係負責管理旗下原創品牌「麥嘜、麥兜」嘅話，相信好多市民都會講聲：「哦！原來係咁，乜都清楚晒！」

如果大家記得嘅話，其實蔡仲樑間公司喺一○年農曆新年幫過政府製作過一條名為《回家真好》嘅賀年動畫宣傳短片，將面目可憎嘅煲呔曾畫到鬼咁慈祥，仲要將深受小朋友愛戴嘅「麥兜」同煲呔曾夫婦同場演出，結果惹來網民議論紛紛，發起「拯救麥兜，反對賣仔」行動。

今次蔡仲樑獲委任入海洋公園，到底同上述「功績」有冇關係，呢個只有煲呔曾先至知。

不過，中肯啲講，能夠將兩隻豬仔搞到揚名海外，相信諗頭同工作能力都唔弱，如果「麥嘜、麥兜」引入海洋公園，可能擦出火花都未定。