「城中綠洲」露宿者打躉
中環綠洲變身露宿者之家，食物環境衞生署竟「睇唔到」！梁女士早前陪同外籍友人到中環區遊覽，行經正進行「城中綠洲」活化工程的中環街市舊址時，赫見有露宿者於後樓梯「打地鋪」，令上址衞生情況嚴重受損，「周圍都係啲爛報紙同紙皮，又擺滿雜物，搞到成條樓梯都好臭，污糟成咁仲話叫『綠洲』，真係失禮！」
食環署發言人表示，經本報轉介後已派員巡查，惟未發現有雜物，亦滿意上址潔淨情況。
社會福利署發言人則稱，該署社工早前曾於上址接觸一名露宿者，並一直跟進其需要，現已被安排該人入住安老院舍。
「連社署都話見到人喺嗰度露宿啦，食環署居然話乜都見唔到，擺明講大話！」梁女士狠斥食環署對上址衞生問題視若無睹，建議加緊派員到各旅遊景點巡查，確保合乎「國際都市」衞生標準，以免影響香港形象。