「我唔知咩叫江湖人」
【本報記者】「我唔知咩叫江湖人，我係福建人、商人同愛國人士。」郭永鴻說，「啲人睇得江湖片多，太抬舉我。」他解釋，因為人人都稱他「上海仔」，反而很少人知道他的真名，其實他並不是上海人，祖籍是福建省福州人，因為他的父親早年在上海經營「故衣（舊衣服）」生意，其後逃難來香港，郭父被人稱作「上海佬」，郭作為其兒子，加上個樣貌又生得似上海人，故被人稱作「上海仔」。
自稱不應穿黑衣戴黑超
蓄「冬菇頭」髮型的郭永鴻，走在街上很易被人認出，被人影到相「唔出奇」，但近年他全力經商，行事亦低調，不想惹是非。
他昨日接受訪問時稱，忘了要見記者，所以不應該穿黑色衣服戴「黑超」，因為費事又被人話有江湖氣，「單報道用江湖人物、江湖大佬、江湖中人字眼，又扯埋啲選舉嘢嚟講，完全唔合邏輯。」
郭稱：「我老竇六、七十年代幫警察收租，同幾個華探長係好朋友，我冇問我老竇係咩背景。」他又稱：「話我係江湖中人，係唔係睇得江湖片多啊？」郭永鴻在訪問中再三強調，最憤怒的是有雜誌報刊將他出席飯局描繪成好似與特首選舉有關，「最嬲畀人擺上枱、畀人利用！」