特首候選人唐英年至今都只係肯承認自己有感情缺失，但就拒絕澄清自己係咪有私生子，究竟佢嘅感情喺邊度「缺失」呢？身在北京嘅自由黨主席劉健儀尋日就爆料話，之前有猜測唐唐當年喺英國留低咗一啲「後果」，暗示唐唐喺英國有私生子。
不過，究竟私生子收埋喺邊度都冇人知，可能有人想放料擾亂視線都未定，所以私生子可能身在香港、美國、法國等地都唔出奇。
