煲呔曾喊晒口話自己收禮物無法問准上司，惟有自訂「內部規則」，惹起公憤，公務員事務局局長俞宗怡（D姐）鐵面無私，有嗰句講嗰句。尋日D姐喺立法會特別財委會上，被問及煲呔曾當日自訂內部規則時，局方有無被諮詢，或者有任何角色，點知D姐從容不迫，理直氣壯咁吐出：「個答案係無嘅！」簡單一個答案，就可見呢個特首胡混至極。
煲呔曾訂畀自己把尺咁鬆，不如唔好要把尺喇。
