中環出更：名牌食店結業 珠寶老饕撐場

對遣散福利有幫助

香港提升快樂指數基金發起人之一嘅寶星首飾廠老闆吳宏斌話，餐廳臨結業前做幾單大生意，對員工嘅遣散福利安排有幫助。當晚大家盡歎千福拿手料理，包括師傅即場手切極品肥牛、皮薄料靚水餃及手打烏冬等，加上客人自己調製醬料，滋味無窮，眾人快樂指數齊飆升。

當晚金銀首飾工商總會會長蘇滔、珠寶製造業廠商會副主席杜源寧、葉美珠及劉家健都嚟趁熱鬧，仲有番禺區珠寶廠商會會長李文俊、「家電大佬」德國寶老闆陳國民、電子業商會會長楊志雄及「糖薑大王」余達之孫女余皓媛。重出江湖嘅謝瑞麟係行內大哥大，當晚佢打扮輕鬆，面色紅潤，話自己已重返公司工作，但十分低調，不欲多談。

新鮮惹味嘅手切肥牛。

自己調製嘅火鍋配料。