尋日我哋踢爆煲呔曾透過特首辦急call班保皇嘅建制派立法會議員，要求佢哋喺尋日答問大會胡亂發問嘥人時間，幫煲呔曾脫險解圍。其中立法會大懶蟲之首、好日都見唔到佢開會同發言嘅體育界議員霍震霆（Tim），尋日就忽然瞓醒，攞住張貓紙追問煲呔曾私藏二百萬元紅酒嘅醜聞，但質詢內容完全冇力，語調用詞亦冇神冇氣，擺明係有心燃燒時間同畀位煲呔曾解釋，真係「偷懶千日，用在一時」。
