全民憤怒
呂小姐（金融界）：「特首應該以身作則，他如果唔好好處理今次事件，香港一定會好大件事！」
何小姐（教育界）：「解釋好令大眾失望，佢應該公開晒全部富豪名單，先可以釋除公眾疑慮。」
鄭先生（公務員）：「佢今次九十度鞠躬道歉都唔夠啦！身為特首應該識避忌，覺得佢好失敗！」
梁先生（教育界）：「解釋無意思！佢十幾年嚟都無做過嘢，依家仲要唔識避嫌，簡直犯咗低級錯誤！」
陳先生（工程界）：「我唔會接受咁樣解釋。佢之前同富豪玩好明顯有利益衝突啦！」
曾小姐（教育界）：「佢做到咁高層，處事要過到人過到自己，如果有灰色地帶就要識得避嫌。」
黃先生（的士司機）：「依家講咩都得啦，畀着係我都唔會認有利益輸送。事實擺在眼前，無人抹黑佢！」