政情：張建宗髮型變商標
職業訓練局搞嘅美容及美髮業見習訓練計劃尋日舉行啟動禮，美髮業著名星級髮型師Kim Robinson、莎莎國際主席郭少明、勞工及福利局局長張建宗都有撐場。Kim Robinson親身落場教學生捲頭髮外，仲同其他髮型師品評張建宗個髮型，已經形成咗一個商標，唔係咁易可以改變到喎。佢哋話，貿然改變形象只會令人覺得奇怪，只要張局長嘅形象舒服同正面就無問題。
頭髮唔算多嘅張建宗坦言，自己個髮型唔易剪，所以佢每隔三至四星期就去幫襯啲舊式嘅上海理髮店。佢話，自己幫襯啲傳統理髮店主要有兩大原因，一來因為佢個髮型唔係個個髮型師都識剪，二來可以促進就業機會，令班老師傅可以有工開喎。