市民炮轟
張先生（大專生）：曾蔭權作為特首，竟然同富商食飯，又搭人哋架私人飛機，根本唔合乎佢嘅身份，如果證明當中有利益輸送，應該叫ICAC調查。
李先生（網頁設計）：曾蔭權嘅行為簡直就係可恥！佢一定要對自己所做嘅事負責，接受立法會質詢，睇吓佢仲有冇其他嘢瞞住香港人！
王先生（退休人士）：係咪我畀六百幾蚊，都可以上架豪華遊艇玩？佢呢幾日嘅所謂解釋，根本就係呃人，佢一定知咁做係有問題！
袁小姐（大專生）：六百蚊就可以坐到遊艇，講都無人信喇﹗我哋成年嘅人工加埋，都唔夠交佢間豪宅嘅月租，真係不知所謂﹗香港有佢呢個特首，真係無晒希望。
鍾小姐（文職）：風頭火勢仲要搞咁多嘢，真係好不智！佢做到咁高官，市民會懷疑官商勾結，一定要查清楚！
江先生（物流）：特首咁嘅身份，當然要避忌！仲要態度咁差，被人踢爆先講，好鬼祟！