利益集團 曾商露底
曾蔭權計劃退休後租住深圳福田區東海花園君豪閣複式單位連天台的深圳「禮賓府」，大業主是東海集團老闆兼全國政協委員黃楚標。他承認與曾蔭權簽了三年租約，收取市值租金，並指由於單位前身為集團會所，有必要翻新才出租，並否認與其籌組的數碼電台有利益輸送。不過，東方報業集團連日揭發曾蔭權接受富豪邀請豪遊海外，顯示曾蔭權與一眾富豪關係殊不簡單。
黃楚標昨接受多間電子傳媒電話訪問，承認出租予曾蔭權的物業自二○○○年入伙以來一直是集團會所，用作招呼公司客戶，去年五月空置後才裝修出租。他解釋由於單位日後可能會再作會所之用，故由集團出資裝修，但強調是基本裝修，僅需數百萬元。至於是否曾蔭權提出要裝修，他則稱是公司機密，「嗱呢樣嘢呢，唔好問我啦，呢啲係我哋公司內部問題，亦係秘密。」
他拒絕透露複式單位總面積及雙方接洽過程等，只否認有報道指單位是送贈予曾蔭權，「優質物業我哋係唔賣嘅，送？博拉咩？我都唔敢，我哋公司仲有少少股份係國營架嘛，我哋都要交代嘅，我依家最麻煩嘅就係租咗畀一個大政治家，租畀一般嘅商人都無事架。」
運用酌情權批准李國章做主席
他強調所收取的租金是市值租金，租約為期三年，「就算我哋唔係租畀曾生，我哋都會租畀第二個，佢係一個短期租約，佢話寫三年，但佢一次過畀咗一年錢（租金）。」
他表示與曾蔭權每年在兩會期間會有見面，承認租樓予曾蔭權對樓盤有正面影響，「我哋係會一年見幾次，兩會期間有啲場合會見到，就咁之嘛！市值租金同埋一個有名氣嘅租戶，在我哋嚟講我哋都想，名人效應嘛。」
不過，黃楚標同時亦持有前稱雄濤廣播有限公司的香港數碼廣播有限公司兩成股份，上月曾蔭權會同行政會議運用酌情權批准前教育統籌局局長李國章出任主席。
「遊艇門」眾商人撐唐英年參選
黃解釋因不想參與日常會議影響其打高爾夫球的時間而拒任主席，否認當中有利益輸送，「個電台依家籌組緊，係輸緊錢嘅，蝕到死呀，點樣利益輸送？如果佢畀我賺大錢都話啫，我都想唔做呀！」他重申自己是一個低調的商人，只希望投資有回報。
除了黃楚標外，曾蔭權亦與其他富豪朋友均有千絲萬縷的關係，早前以遊艇接載並且陪伴曾蔭權夫婦暢遊澳門的劉鑾鴻及何柱國，其中劉鑾鴻的姪兒劉鳴煒更是其中一名特首候選人唐英年競選辦公室的中堅分子。
至於以私人飛機接載曾蔭權豪遊布吉的張松橋，持有西隧及大老山隧道大部分權益，政府近年亦多次批准兩隧加價申請。