突變焦點 居民苦不堪言

保安嚴陣截採訪

君豪閣昨日的保安明顯加強，不少傳媒只可遠觀而不可近望，有傳媒為攝得單位內情況，除了高空監察及地面遙望外，更扮鬼扮馬，甚至佯裝外賣仔送外賣，企圖混入君豪閣，不過甫進大堂已被數名保安人員截停送走。而從觀察所見，單位內昨日已沒有工人開工。

深圳「禮賓府」昨日被《東方日報》及《太陽報》作出揭秘式報道後，不少居民行經君豪閣時，都會好奇地舉頭望向曾之單位指指點點，不過對於突然與曾蔭權成為鄰居，不少富貴居民則未見太受落。「如果佢（曾蔭權）搬入嚟，以後出入又要封路又要加強保安，真係好擾民。」居民張小姐表示，雖然「名人效應」下，多人認識了東海花園，不過她不相信樓價會因此上升。

有傳媒在君豪閣外採訪。

深圳報章都有顯著版面報道曾蔭權乘私人飛機及遊艇的消息。

「呢度一直以嚟都好多名人住緊，就係因為想低調啲，依家咁多人識（東海花園），反而唔方便。」將與曾成為鄰居、居於君豪閣中層的蘇太亦對曾蔭權「大駕光臨」感到「好頭痛」，擔心引來大批傳媒拍攝，並將居民一併攝入鏡頭。「住喺度梗係想低調啲，咁樣畀人影到出出入入，都唔係咁好啦。」